Side-alternativer
Første hydrogenbil på svenske vegar
Per dags dato er det 14 hydrogenbilar på norske vegar, men no kjem Sverige etter. Det er eit samarbeid mellom Malmø kommune og energiselskapet Eon, som har ført til at Sverige sin aller første hydrogenbil no er ein realitet.
Det er ein slik ombygd Toyota Prius som no er å finne på vegane i og rundt Malmö i Sverige.
- Malmö satsa tidleg på natur - og biogass. No tek me steget vidare og satsar på hydrogen som gjev enda lågare utslepp, seier Anders Rubin i kommunalrådet i Malmö i ei pressemelding.
Bilen
er av same type som dei HyNor disponerar i Noreg og som ZERO har vore
ansvarleg for å skaffe til Noreg, nemleg ein Toyota Prius som er
ombygd hos selskapet
Quantum Technologies. Det amerikanske selskapet har spesialisert seg på
å
byggje om vanlege bilar med konvensjonell forbrenningsmotorar, til
utsleppsfrie
der det bare kjem vassdamp ut av eksosrøyret. Prisen på 1 million
kroner er stiv,
og i Noreg er det bare ein i privat eige.
Gøril Andreassen jobbar med transport i ZERO og gleder seg over at svenskane er på bana.
- Dette er veldig positivt! At svenskane satsar på hydrogen er viktig for å gjere hydrogen meir utbreidt.
Det
norske hydrogenprosjektet (HyNor) samarbeidar med Sverige, Danmark og
Tyskland om å byggje ein hydrogenveg i Skandinavia. Andreassen meiner
det som no har skjedd er ein viktig brikke i puslespelet.
- Om nokre år vil det vonleg vere mogeleg å køyre hydrogenbil frå Stavanger til Hamburg, seier Andreassen entusiastisk.
Noreg er verdsleiande innanfor hydrogen og HyNor-prosjektet har hausta mange lovord utanlands.